|
|
3- فن الميدان خاطف طريقي يمام يمام ورصت عصيموه على ربيعه موه لو أنا يمام وانت يمام من يخضـع الراس حربيعـه *** بيت سّم بيت على الكفار ولا تكفّروا بالنبي موسى الجنة ما ترخص حال الكفار حال فاطمه والنبي موسى *** يتخطرن بالبريسم دوس وجلسن تحت عود لفراعي سارن يبغيّن جنة الفردوس بنت الغني وحرمة الراعي *** اوزن سمن من واسمك من سيف ثقيل وانا اســنه انت ولد من واسمك من انا اسمك أعرفه وناسنه *** ذوب يا السمن ذوب كلك ذوب يا معذب الناس ورعاته يوفلان يوم ما تعرف المطلوب ما تكاشم فلان ورعاته *** طاح المطر طاح لمطرطاح وطاح المطر فوق البوته قوم انطحي كان فيش انطاح لا تشتكي دوم مربوطـه *** شرب اللبن مختفي ما يبين وشرب اللبن ما حن ارعاتــه وشيء من العشق مختفي ما يبين وشيء من العشق فاضح رعاته *** يوباني البيت مكن زور بيـتـش بـزور بنيتيبـه خواتش وقر وقرين حملن زور وانت وقر واحد ونسفتيبه *** سيل السنه سيل واسناسيل وسيل السنه ما ترس راسي لو قيدوني بقيد واسناسيل سيل السنه ما ترس راسي *** بو نازل السوق حل وشري وزيد في الميزان قشاطة حال المحبين حلوى شري وحال المبغضين قشاطة *** يا كاتب الخط بوشخطين وغربي بدية بدرياهي انت ما سدك وزار بوشخطين وباغي توزر بدرياهي *** أحمر دوس واخضر دوس وزرعك يا البيدار بندوسه ولي يربي الفار في المندوس يصبر على خراب مندوسه *** دار الولم دار يالبيدار وحط الفناجين في القوطي وما من الرقاقيط يالبيدار يوم يصبح المال مرقوطي *** خدملي يا وستاد حلقة باب خدمها بلا نار ولحمــها خاطف على حرمه تغلق باب وتخلط لحم ثور في لحمها *** مدفع نقع من مرامي سداب وطشت من البيت عفريته سمعتوا عن عقرب تلادغ داب لو تستعين بمية عفريته *** عساش يا مكران تحتشرين يا أم الغضف والحطب جزي وما با مقيضه من الخيران رزقي على الله وميـــزي *** يا بانــي البيت موه تبنــــي ابني بحصى كبار شيبني قالت ما من كبر سن دوخت راس قال فراق المحبين شيبني *** معنا الذهب مالكنه يمـام بنتي الصغيره وانا بوها المعرس انا ومالكني يمام بنتي اخطبوها وانا بوها *** ثوري يدلّه كان بتثوريــن شفت الخفيات يوربي غداي جمل والعشاء ثورين ومستفتح بفيل يوربي *** أمشي وراء الجيش ولو ميتين وأنزل في المال واتمشــى وأقطف من المال لوميتــين وأعصر على العيش وتعشى
|
© حقوق النشر محفوظة لموقع ظاهر الفوارس لعام 2006م |